आँधीमूल मन्दिरका माछा मरेपछि क्षमापूजा

तनहुँको धार्मिक एवं पयटकीय गन्तव्य आँधीमूल मन्दिर परिसरमा रहेका पोखरीका माछा मर्न थालेपछि सोमबार क्षमापूजा गरिएको छ । आँबुखैरेनी गाँउपालिका १ स्थित रहेको उक्त मन्दिरमा केही दिन यता धमाधम माछा मर्न थालेका छन् । देवि माताको रुपमा पूजा गर्दै आएका माछा मर्न थालेपछि आँधीमूल क्षेत्र संरक्षण समितिले क्षमापूजा गरेको हो ।

समितिका अध्यक्ष हिमाल थापाले स्थानियहरुको सहभागितामा सोमबार मन्दिर परिसरमा सामुहिक रुपमा क्षमा पूजा गरिएको हो । उनले भने, ‘देवी माता रिसाएका कारण यस्तो हुन सक्ने भएकाले क्षमा पूजा गरिएको हो । मन्दिरमा परम्परागत रुपमा चली आएको रितिरिवाज अनुसार नै पूजा सम्पन्न गरिएको छ ।’

यता पशुपक्षी रोग अन्वेषण प्रयोगशाला पोखराले गरेको अनुसन्धानमा माछा मर्नुको कारण एसिड डेथ रहेको जनाएको छ । गाउँपालिकाका अध्यक्ष शुक्र चुमानले पोखरामा गरिएको परिक्षणको क्रममा पानीमा धेरै मात्रामा इकोली नामक जीवाणु रहेको र एसिड डेथ भएको रिपोर्ट आएको बताए ।

उनले भने, ‘दिन दिनै धमाधाम माछा मर्न थालेपछि प्राविधिक टोली पुगेर उक्त पोखरीको पानी, दानाको नमुना संकलन गरी पोखरा पर्ठाईएको थियो । परिक्षणको क्रममा एसिड डेथ भएको कारण केही बचेका मुख्य पोखरीमा सारिएको थियो ।

मरेका माछालाई काजक्रिया गरी खाडल खनेर अन्येष्टि गरिएको छ। जलदेवताका रुपमा विश्वास गरिने भएकाले माछा मरेपछि अनिवार्य रुपमा काजक्रिया गर्नुपर्ने संस्कार रहेको समितिले जनाएको छ ।

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker