कृषि र पर्यटन क्षेत्रको विकासले मुलुकको अर्थतन्त्र मजबुत बनाउँछ : उपप्रधान तथा सहरी विकास मन्त्री सिंह
दमौली : उपप्रधान तथा सहरी विकास मन्त्री प्रकाशमान सिंहले मुलुकको अर्थतन्त्रलाई मजबुत बनाउन कृषि र पर्यटन क्षेत्रको विकास गर्नुपर्नेमा जोड दिएका छन् ।
तनहुँ उद्योग वाणिज्य संघले दमौलीमा आयोजना गरेको ‘नवौं तनहुँ महोत्सव–२०८१’ लाई विहीबार एक कार्यक्रमका बीच शुभारम्भ गर्दै उनले कृषक र मुलुकको अर्थतन्त्रलाई लयमा ल्याउनका लागि कृषि उत्पादन बढाउनुपर्नेमा जोड दिएका हुन् ।
तनहुँ राजनीतिक रूपमा मात्र नभई कृषि, पर्यटन र ऊर्जाको क्षेत्रमा पनि महत्वपूर्ण भूमिका रहेको चर्चा गर्दै मन्त्री सिंहले नेपालको अर्थतन्त्रलाई अगाडि बढाउन हामीले ऊर्जा क्षेत्रलाई पनि व्यवस्थित गर्नुपर्नेमा जोड दिएका छन् ।
कोभिडले नेपालको अर्थतन्त्रमा असर पारे पनि अहिले पर्यटन क्षेत्रमा उल्लेख्य सुधार आएको र त्यसले रोजगारी सृजनासँगै अर्थतन्त्रमा समेत महत्वपूर्ण टेवा पु¥याएको उनले बताए ।
मन्त्री सिंहले वर्तमान सरकारको प्राथिमकता नागरिकको जिवीका सहज बनाउनु रहेको भन्दै त्यसका लागि सरकारले कृषि, पर्यटन, ऊर्जा लगायतका क्षेत्रको विकासमा विशेष ध्यान दिइरहेको बताएका छन् ।
‘तनहुँ महोत्सव हाम्रो आधार, आर्थिक सामाजिक विकासको पूर्वाधार’ भन्ने मूल नाराका साथ कृषि, पर्यटन तथा प्रविधि महोत्सव आयोजना गरिएको महोत्सव आयोजक मुल समारोह समितिका संयोजक बैकुण्ठनाथ मिश्रले बताए ।
किसानको उत्पादन बिक्री नहुने, सस्तोमा बेच्नुपर्ने लगायत समस्याले गर्दा जमिन बाँझिने क्रम तथा युवा पलायन हुने क्रम बढेकाले महोत्सवका माध्यमबाट कृषि क्षेत्रको प्रवद्र्धनमा टोवा पु¥याउने लक्ष्य लिइएको उनले बताए ।
महोत्सवका माध्यमबाट कृषि, पर्यटन क्षेत्रको प्रवद्र्धन गर्दै स्थानीय स्तरमै रोजगारीको वातावरण सृजना गर्ने तथा जिल्लाको धार्मिक, साँस्कृतिक एवं ऐतिहासिकस्थलको प्रवद्र्धनमा महत्वपूर्ण टेवा पुग्ने महोत्सवका निर्देशक पविन्द्रकुमार श्रेष्ठले बताए ।
कृषिउपज, हस्तकला, स्थानीय उद्योगबाट उत्पादित कृषि सामग्रीको प्रदर्शनी, दुग्धजन्य उपज तथा उत्पादन प्रविधि, पशुपंक्षीजन्य उपज एवं उत्पादन तथा प्रविधि, अण्डा लगायत मासुजन्य वस्तुको बिक्री, मत्स्यजन्य परिकारसमेत महोत्सवमा प्राथमिकताका साथ राखिने आयोजकले जनाएको छ ।
