बन्दीपुरको नाहालामा टिप्परको ठक्करबाट मोटरसाइकल चालकको मृत्यु
दमौली : पृथ्वीराजमार्ग अन्तर्गत तनहुँको बन्दीपुर गाउँपालिका–१ नाहालामा टिप्परको ठक्करबाट आइतबार मोटरसाइकल चालकको मृत्यु भएको छ ।
डुम्रेबाट दमौलीतर्फ आउँदै गरेको बा.प्र. ०६–००१प९२३३ नम्बरको मोटरसाइकललाई सोही दिशाबाट आउँदै गरेको ग२ख१५६१ नम्बरको टिप्परले ठक्कर दिँदा मोटरसाइकल चालकको मृत्यु भएको तनहुँ प्रहरीले जनाएको छ ।
प्रहरीका अनुसार उक्त दुर्घटनामा परी मृत्यु हुने कास्कीको रुपा गाउँपालिका–७ बस्ने ४५ वर्षीय धर्मराज सेन हुन् ।
मध्यान्ह १२ बजे भएको दुर्घटनामा घाइते सेनलाई प्रदेश अस्पताल दमौलीमा चिकित्सकले १२ः४३ बजे मृत घोषणा गरेको जिल्ला प्रहरी कार्यालय तनहुँका प्रहरी निरीक्षक आशिष विश्वकर्माले जानकारी दिए ।
