हातहतियार मुद्दाका फरार एक युवाक पक्राउ
भञ्ज्याङ न्यूज
तनहुँ प्रहरीले हातहतियार मुद्दाका फरार एक युवाकलाई पक्राउ गरेको छ । तनहुँको शुक्लागण्डकी नगरपालिका-४ दुलेगौडका २५ वषर्ीय निनो श्रेष्ठलाई पक्राउ गरिएको प्रहरीले जनाएको छ ।
प्रहरीले गत पुस १५ गते श्रेष्ठको कोठाबाट एक थान पेस्तोल सहित लागुऔषध बरामद गरेको थियो । त्यसयता फरार रहेका उनलाई पोखरा महानगरपालिका-६ हल्लनचोबाट पक्राउ गरिएको प्रहरी नायब उपरिक्षक युवराज खड्काले जानकारी दिए ।
प्रहरीले निजविरुद्ध लागुऔषध तथा हातहतियार खरखजाना मुद्दामा दश दिन म्याद थप गरी अनुसन्धान भइरहेको जनाएको छ ।
प्रहरीले श्रेष्ठको कोठाबाट नुफिन १३४, फेनरागन १३६, डाइजेपाम १३३, नाइट्राभेट १९२, स्पासमो ५४, सोडियन फस्फेट लगायतका लागुऔषध बरामद गरेको थियो ।
