नेकपा एमाले तनहुँको छ पालिकामा सर्वसम्मत, ४ पालिकामा अधिवेशन गर्न बाँकी
भञ्ज्याङ न्यूज
नेकपा एमाले तनहुँको अधिवेशन अन्तरगत छ वटा पालिकामा सर्वसम्मत नेतृत्व चयन गरिएको छ। पार्टीको मंगलवारबाट शुरु भएको प्रथम अधिवेशनले जिल्लाका १० स्थानीय तह मध्ये छ वटा पालिकामा सर्वसम्मत नेतृत्व चयन गरेको हो ।
अधिवेशनले व्यास नगर कमिटीको अध्यक्षमा वीरेन्द्र बहादुर अधिकारी चयन भएका छन । कमिटीको उपाध्यक्षमा तुल्सीराम पाण्डे, सचिव ज्ञानेन्द्र बसौला र उपसचिवमा मधुविलास पण्डित र सिता थापा पाण्डे सहित ७५ सदस्यीय नगर कमिटी बनाइएको छ ।
आँबुखैरेनी गाउँकमिटीमा मिना अधिकारीको नेतृत्वमा ५५ सदस्य गाउँ कमिटी चयन गरिएको छ। गाउँ कमिटीको उपाध्यक्षमा चन्द्र बहादुर थापा, सचिव बेल बहादुर गुरुङ, उपसचिव जलामुद्दिन मियाँ र पूर्ण बहादुर आले मगर चयन भएका छन् ।
त्यस्तै बन्दिपुर गाउँ कमिटीमा सुरेन्द्र थापाको नेतृत्वमा ५५ सदस्यीय कमिटी सर्वसम्मत चयन गरिएको छ । गाउँ कमिटीको उपाध्यक्षमा शिव कुमार श्रेष्ठ, सचिव कुलेन्द्र गौतम, उपसचिव रबि श्रेष्ठ र अमिर गुरुङ चयन भएका छन ।
भानु नगर कमिटीको अध्यक्षमा प्रेम राना चयन भएका छन । नगरकमिटीको उपाध्यक्षमा दलनारायण श्रेष्ठ, सचिव परशुराम गिरी र उपसचिव रुपा लामा र देव भुजेल सहित ७५ सदस्यीय नगर कमिटी चयन गरिएको छ ।
शुक्लागण्डकी नगर कमिटीमा मुक्ति तिमिल्सेनाको अध्यक्षतामा ७५ सदस्यीय नेतृत्व चयन गरिएको छ । नगर कमिटीको उपाध्यक्षमा इन्द्र गुरुङ, सचिव रघुनाथ पौडेल र उपसचिवमा विष्णुमाया ढकाल र युवराज भट्टर्राई चयन भएका छन् ।
भिमाद नगर कमिटीमा इमान थापाको नेतृत्वमा ७५ सदस्यी नगरकमिटी सर्वसम्मत चयन गरिएको छ । नगरकमिटीको उपाध्यक्षमा चतुर्भुज सेवदी, सचिव उमाकान्त श्रेष्ठ, उपसचिवमा पदमसेन ठकुरी र भिमसेन थापा चयन भएका छन् ।
यस्तै, जिल्लाको ऋषिङ गाउँपालिकामा विहीबार अधिवेशन हुँदै छ भने, घिरिङ र म्याग्दे गाउँपालिकमा १५ गते, देवघाट गाउँपालिकामा १४ गते अधिवेशन गर्ने तयारी भएको नेकपा एमाले तनहुँका कार्यलय सचिव राजेश्वर ढकालले जानकारी गराए ।
