चार वर्षमै नमुना अस्पताल बन्दै आँबुखैरेनी अस्पताल

आँवुखैरेनी : तनहुँको आँबुखैरेनी गाउँपालिकाद्वारा सञ्चालित आँबुखैरेनी अस्पतालले सञ्चालनको चार वर्ष पूरा गरेको छ । छोटो अवधिमै विभिन्न विशेषज्ञ स्वास्थ्य सेवा विस्तार गर्दै अस्पतालले स्थानीय तहमै गुणस्तरीय उपचार उपलब्ध गराउने नमुना स्वास्थ्य संस्थाका रूपमा आफ्नो पहिचान स्थापित गर्दै गएको छ ।

अस्पतालबाट हाल इमर्जेन्सी, बहिरङ्ग (ओपीडी), वार्ड, डेन्टल, डायलाइसिस, शल्यक्रिया, प्रयोगशाला, फिजियोथेरापी, भिडियो एक्स–रे, फार्मेसी तथा रक्तसञ्चारलगायतका सेवा नियमित रूपमा सञ्चालन भइरहेका छन् ।

स्थानीय तहमै यति धेरै स्वास्थ्य सुविधा उपलब्ध गराउन सकिन्छ भन्ने उदाहरण अस्पतालले प्रस्तुत गरेको छ । सेवा विस्तारसँगै सामान्य उपचारदेखि विभिन्न विशेषज्ञ स्वास्थ्य सेवाका लागि अन्यत्र जानुपर्ने स्थानीयवासीको बाध्यता पनि कम हुँदै गएको अस्पतालले जनाएको छ ।

अस्पतालको स्थापना, विकास र सेवा विस्तारमा गाउँपालिका अध्यक्ष शुक्र चुमानसहित सम्पूर्ण जनप्रतिनिधिको महत्वपूर्ण भूमिका रहेको अस्पतालले जनाएको छ । अस्पतालले स्थापनादेखि हालसम्मको यात्रामा सहयोग गर्ने विभिन्न संघसंस्था, सहयोगी हात तथा समन्वयकर्ताप्रति आभार व्यक्त गरेको छ ।

चार वर्षको अवधिमा प्राप्त उपलब्धिलाई थप सुदृढ गर्दै आगामी दिनमा स्वास्थ्य सेवा विस्तार गर्ने अस्पतालको लक्ष्य छ । नागरिकलाई सहज, सुलभ र गुणस्तरीय स्वास्थ्य सेवा उपलब्ध गराउँदै अस्पतालको सेवा प्रभावकारिता बढाउन सबै पक्षको साथ र सहयोग आवश्यक रहेको अस्पतालले जनाएको छ ।

Adertisement

सेयर गर्नुहोस्



प्रतिक्रिया दिनुहोस्



सम्बन्धित खवर

सम्बन्धित खवर

Leave a Reply

Your email address will not be published.

Back to top button
You cannot copy content of this page.
Close

Ad Blocker Detect

Please consider supporting us by disabling your ad blocker