माओवादी बन्दिपुर गाउँ कमिटीको अध्यक्षमा कायस्थ चयन
नेपाल कम्युनिष्ट पार्टी (माओवादी केन्द्र) बन्दिपुर गाउँ कमिटीको प्रथम अधिवेशनबाट जीवन कायस्थको अध्यक्षतामा ५५ सदस्यीय गाउँ कमिटी निर्वाचित भएका छन् । गाउँकमिटीको उपाध्यक्षमा करुणा गुरुङ, ध्रुव लामिछाने र लोक बहादुर बानिया चयन भएका छन् ।
त्यस्तै सचिवमा सुदिप पोख्रेल, सहसचिव सुरेश लामिछाने, कोषाध्यक्ष अरबिन्द्र भट्टराइ चयन भएको बताइएको छ । प्रथम अधिवेशनबाट प्रदेश प्रतिनिधिमा विद्या लामिछाने, सिद्धान्त मगर, जीवन कायस्थ, पूर्णसिंह थापा, राजन भट्टराइ, भानुभक्त पोख्रेल, करुणा गुरुङ, सुदिन पौडेल, दमयन्ति थापा, सीता बिक निर्विरोध निर्वाचित भएको बताइएको छ ।
