कांग्रेस तनहुँको क्षेत्रीय कोषाध्यक्षमा भट्टराइ, प्रवक्तामा मिश्र

नेपाली कांग्रेस तनहुँले क्षेत्रीय कोषाध्यक्ष र प्रवक्ता मनानित गरेको छ । आइतबार बसेको क्षेत्र नम्बर १ को पहिलो बैठकले कोषाध्यक्ष मा व्यास-२ का पविन्द्र भट्टराइ र प्रवक्तामा व्यास-८ का हरिप्रसाद मिश्रलाई मनोनित गरिएको छ ।

बैठकले क्षेत्र नं. १ भित्र रहेका प्रत्येक नगरपालिका र गाउँपालिकाभित्र रहेका नेपाली कांग्रेसका नगर कार्य समिति, गाउँपालिका कार्य समिति र वडा कार्यसमितिलाई सक्रिय बनाउदै छुटेका मतदाता नामावलीमा नाम दर्ता गराउनको लागि सहयोग गर्ने निर्णय गरेको क्षेत्रीय समितिका सहसचिव शैलेश खातीले जानकारी दिए ।

सभापति श्याम कुमार मौरतीको सभापतित्वमा बसेको बैठकले क्षेत्र नं. १ अन्तर्गत रहेका ४२ वटै वडामा टोलकार्य समिति यथासक्य छिटो सम्पन्न गर्नको लागि नगर एवं गाउँपालिका सभापति र वडा सभापतिहरुलाई परिपत्र गर्ने निर्णय गरेको छ ।

यस्तै, बैठकले बन्दिपुर गाउँपालिका-६ हुस्लाङमा भएको जीप दुर्घटनामा परि नेपाली कांग्रेसका क्षेत्रीय प्रतिनिधि हरि बहादुर न्यौपाने र उनकी धर्मपत्नी सुशीला न्यौपाने लगायत ६ जनाको मृत्यु भएको घटना प्रति दुःख व्यक्त गरेको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर