बिमलनगर चुनपहरामा विश्वकर्मा बाबाको मुर्ती स्थापना

तनहुँको बन्दिपुर-४ बिमलनगर स्थित चुनपहरामा विश्वकर्मा बाबाको मुर्ती स्थापना गरिएको छ । पृथ्वीराजमार्गको बिमलनगर र नयाँपुलको बिच भागमा पर्ने अत्यन्तै रमणीय स्थलको रुपमा परिचित चुनपहराको आकर्षक स्थलमा विश्वकर्मा बाबाको मुर्ती प्रतिस्थापना गरिएको चुनपहरा प्रकृतिक रमणीय स्थल संरक्षण समितिका अध्यक्ष एवं बन्दिपुर-४ का वडाअध्यक्ष हरेराम थापाले बताए ।

ठाउँ ब्यवस्थापन, मुर्ती र घण्टीका लागि करिब ५ लाख ६१ हजार रुपैयाँ खर्च भएको समितिका सचिव भानुभक्त थापाले बताए । उनका अनुसार बन्दिपुरका सन्तकुमार श्रेष्ठले ३ लाख ६१ हजार सहयोग गरेका थिए भने भुइमा स्लेट बिच्छ्याउन ३५ हजार रुपैयाँ खर्च ब्यहोर्ने प्रतिबद्धता ब्यक्त भएको गरी ३ लाख ९५ हजार रुपैयाँ, बन्दिपुर केवलकार प्रालिले २ लाख रुपैंया खर्च गरेको समितिकी कोषाध्यक्ष बबिता थापाले बताइन् ।

सहयोगदाताहरु सन्तकुमार श्रेष्ठ र बन्दिपुर केवलकार प्रालिका तारानाथ उपाध्यक्षले संयुक्त रुपमा मुर्ती प्रतिस्थापन गरेका थिए । कार्यक्रममा चुनपहरा संरक्षण समितिका कार्यबाहक अध्यक्ष बेनीबहादुर थापा, सीता थापा, टिकाराम लामिछाने, सुरज जोशी लगायतले चुनपहरा संरक्षण र प्रवर्द्धनका लागि सबैले हातेमालो गर्नुपर्ने बताएका थिए ।

त्यस्तै, गोरखा क्षेत्र नं. २ ख का प्रदेश सांसद प्रकाशचन्द्र दवाडीले विश्वकर्मा बाबाको मुर्तीको दर्शन र सोही स्थानमा निर्माणको क्रममा अलपत्र रहेको जनजाती संग्राहलयको पनि अवलोकन गरेका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर