व्यास-२ र ३ मा कांग्रेसको प्यानल विजयी

तनहुँको व्यास नगरपालिकाको वडा नं. २ र ३ मा नेपाली कांग्रेसको प्यानल विजयी भएको छ । वडाध्यक्षमा काशीराम श्रेष्ठ निर्वाचित भएका छन् । वडाध्यक्षमा काशीराम श्रेष्ठले ८०२ मत प्राप्त गरी विजयी भएका छन् । उनका प्रतिस्पर्धी स्वतन्त्र उम्मेदवार मुठा चिन्हका राज कुमार श्रेष्ठले ३९०, कैची चिन्हका दीर्घ बहादुर थापा क्षेत्रीले १८८, हालो चिन्हका मछिन्द्र देवी श्रेष्ठले ५२ मत, घर चिन्हका तिलाराम आले मगरले ३६ र माओवादी केन्द्रका चन्द्रलाल विश्वकर्माले १८ मत प्राप्त गरेका छन् ।

यस्तै, वडा सदस्यमा सुरेश वाग्ले, क्या जगतबहादुर क्षेत्री, महिला सदस्यमा रफत साना मिया र दलित महिला सदस्यमा सविता रसाइली निर्वाचित भएका छन् । व्यास नगरपालिका-३ मा नेपाली कांग्रेसको प्यानल विजयी भएको छ । वडाध्यक्षमा अनुप राना विजयी भएका छन् । राना ६५७ मत प्राप्त गरी विजयी भएका हुन् ।

प्रतिस्पर्धी नेकपा एमालेका बलराम श्रेष्ठले २५२ मत प्राप्त गरे । नेकपा एकीकृत समाजवादीका मंगलप्रसाद श्रेष्ठले ८२ मत प्राप्त गरे । वडा सदस्यमा दधिराज घिमिरेले ४६८, शान्तिरमण वाग्लेले ४७४, महिला सदस्यमा विनु श्रेष्ठले ५१९ र दलित महिला सदस्यमा श्रीमाया विकले ५५८ मत प्राप्त गरेका छन् ।

सेयर गर्नुहोस्

प्रतिक्रिया दिनुहोस्

सम्बन्धित खवर