सासंद सिग्देलद्वारा संघीय बजेटबाट निर्माणाधिन विभिन्न योजनाको अनुगमन
भञ्ज्याङ न्यूज
तनहुँ क्षेत्र नम्बर २ का प्रतिनिधि सभा सदस्य सासंद केदार सिग्देलले संघीय सरकारको बजेटबाट निर्माणाधिन विभिन्न योजनाको अनुगमन तथा निरिक्षण गरेका छन् ।
संघीय सरकारबाट विनियोजित बजेट मध्ये खैरेनीटार, भिमाद, कावासोती राजमार्ग, सिग्दी खोला पुल मालेवगर, पक्की पुललाई छुट्टयाईको वजेट र भईरहेको कामको बारेमा उनले निरीक्षण गरेका हुन् ।
यसैगरि जनज्योति क्याम्पस भिमादमा क्याम्पसमा भएको समस्या, प्रगति विवरण र शिक्षाको विषयमा विद्यालय व्यवस्थापन समिति, प्रधानाध्यापक र सरोकारवालासँग सिग्देलले छलफल गरेका छन् ।
छलफलमा भिमाद नगरपालिकाका प्रमुख दधिराज सुवेदी, नेकपा एमाले भिमाद नगर कमिटीका अध्यक्ष इमान सिंह थापा लगायतको उपस्थिति रहेको थियो ।
यस्तै, सासंद सिग्देलले भिमाद, सिस्नेरी, भागर मोटरमार्गमा रहेको छिउदी खोलामा मोटरमार्ग पुलमा भएको बजेट विनियोजनको काम, प्रगति विवरण र अबको कामको बारेमा सरकोकारवालासँग समन्वय गरी काम छिटो सक्नु निर्देशन दिएका छन् ।
सांसद सिग्देलले बजेट निकासा हुने तर समयमा काम सम्पन्न नहुने राष्ट्रिय समस्या भएको हुँदा यसले आम जनताको जनजीविकामा असर पारेकाले समयमै काम सम्पन्न गर्नुपर्नेमा जोड दिएका छन् ।
