कांग्रेस आँबुखैरेनीका सभापति पन्त सहितका नेताद्वारा पार्टी परित्याग
भञ्ज्याङ न्यूज
नेपाली काँग्रेसका तनहुँका जिल्ला कार्यसमिति सदस्य केशवनाथ खनाल र आवुँखैरेनी गाउँ कार्यसमितिका सभापती विष्णुबहादुर पन्तले नेपाली काँग्रेस परित्याग गरेका छन् । शुक्रबार आवुँखैरेनीमा पत्रकार सम्मेलन गरी उनीहरुले काँग्रेस त्यागेको घोषणा गरेका हुन् ।
तनहुँ १ मा उपचुनाव नजिकिँदै गर्दा जिल्ला स्तरीय नेताले पार्टी परित्याग गरेपछि काँग्रेस तनहुँलाई ठुलो धक्का लागेको छ । पार्टी परित्याग गर्ने दुबै जना केन्द्रीय सदस्य शंकर भण्डारी निकट मानिन्छन् । पत्रकार सम्मेलनमा उनीहरुले पार्टीमा सिद्धान्तभन्दा पनि व्यक्तिवाद हाबी भएको आरोप लगाएका छन् ।
पन्त उपचुनावमा टिकटका आकांक्षी थिए। तर पार्टीले गोविन्द भट्टराइलाई उम्मेदवार बनाउने निर्णय गरेपछि उनी असन्तुष्ट थिए । यसअघि नै भानु नगरपालिकाका पार्टी उपसभापति श्याम जिसी सहितका ७ जना नेताले कांग्रेस परित्याग गरेको घोषणा गरेका थिए ।
नेपाली कांग्रेस परित्याग गरेका राष्ट्रिय स्वतन्त्र पार्टीबाट अर्थविद डा. स्वर्णिम वाग्ले पनि तनहुँ १ मा उम्मेदवार बन्ने भएका छन् ।
