स्थानीय तह वित्तीय सुशासन जोखिम मुल्याङ्कनमा आँवुखैरेनी गाउँपालिका प्रथम स्थानमा

स्थानीय तह वित्तीय सुशासन जोखिम मुल्याङ्कनमा तनहुँको आँबुखैरेनी गाउँपालिका अग्रस्थानमा रहेको छ । स्थानीय तह वित्तीय सुशासन जोखिम मुल्याङ्कन कार्यविधि, २०७७ बमोजिम ८६ दशमलव ५ अंक प्राप्त गरी प्रथम स्थान हासिल गरेको हो ।

आँबुखैरेनी गाउँ कार्यपालिकाको आ.व. २०७९/८० को स्थानीय तह वित्तीय सुशासन जोखिम मुल्याङ्कन नतिजा र जिल्ला समन्वय समिति तनहुँको मुल्याङ्कन प्रणालीमा उक्त नतिजा हासिल गरेको छ । उत्कृष्ट नतिजा प्राप्त गरेर तनहुँका दश वटा स्थानीय तहमा पहिलो र गण्डकी प्रदेशमा तृतीय भएको प्रमुख प्रशासकीय अधिकृत बिष्णुप्रसाद शर्माले बताए ।

मूल्याङ्कन विषय क्षेत्रमा योजना, बजेट तथा कार्यक्रम व्यवस्थापनमा ९७.६२, कार्यन्वयन क्षमता तथा व्यवस्थापनमा ८४.४८ स्कोर प्रतिशत प्राप्त गरेको छ । यस्तै, लेखाङ्कन तथा प्रतिवेदनमा ९४.१२, अनुगमन, मुल्याङ्कन तथा लेखापरीक्षणमा ७१.८८ र राजश्व व्यवस्थापनमा ८२.३५ प्रतिशत अंक प्राप्त गरेको छ । मुल्याङ्कनमा गाउँपालिकाले उत्कृष्ट स्कोर प्राप्त गरेसंगै अझ अघि बढ्न थप हौसला मिलेको गाउँपालिका अध्यक्ष शुक्र चुमानले बताए ।

आँबुखैरेनी गाउँपालिकाले बिशेष गरेर शिक्षा क्षेत्रको सुधार, स्वास्थ्य सेवामा पहुच विस्तार लगायत पर्यटन क्षेत्रको प्रवर्द्वनमा राम्रो काम गर्दै आएको छ । सामुदायिक विद्यालयको सुधार योजना अस्पताल संचालन ऐना पहरा, छिम्केश्वरी मन्दिर लगायतका स्थानमा पर्यटन पुर्वाधार पालिकाले काम अगाडि बढाएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर