एमाले व्यास नगर कमिटीको अध्यक्षमा पाण्डे निर्वाचित
नेकपा एमाले व्यास नगर कमिटीको अध्यक्षमा तुल्सीराम पाण्डे निर्वाचित भएका छन् । शनिबार भएको निर्वाचनमा तुल्सीरामले १०८ मत प्राप्त गरी निर्वाचित भएका हुन् ।
अधिवेशनका लागि १९९ जना प्रतिनिधि छनोट भएपनि निर्वाचिन प्रक्रियामा १६७ जना सहभागि भएका थिए । जस अनुसार तुल्सीरामका प्रतिस्पर्धि ललित पाण्डेले ५५ मत प्राप्त गरेका छन् ।
शनिबार मनोनयन दर्ता र उम्मेदवारी फिर्ताको समय रहेकामा सहमति नभएपछि मतदान प्रक्रियाबाट नगर कमिटी चयन गरिएको हो ।
यस्तै, व्यास नगर कमिटीको उपाध्यक्षमा ८७ मत प्राप्त गरी चिज बहादुर गुरुङ निर्वाचित भएका छन् । उनका प्रतिस्पर्धि विष्णु बहादुर पोख्रेलले ६६ र अर्जुन कुमार श्रेष्ठले ७ मत प्राप्त गरेका छने ।
सचिवमा ११४ मत प्राप्त गरी रामचन्द्र अधिकारी निर्वाचित भएका छन् भने उनका प्रतिस्पर्धि जुन नारायण श्रेष्ठले ३६ मत प्राप्त गरेका छन् ।
उपसचिव पुरुष तर्फ ८० मत प्राप्त गरी सुदिप पौडेल निर्वाचित भएका छन् भने उनका प्रतिस्पर्धि टोप बहादुर परियारले ७९ मत प्राप्त गरेका छन् ।
उपसचिव महिला तर्फ ८४ मत प्राप्त गरी जौमाया रायमाझी निर्वाचित भएकी छने भने उनकी प्रतिस्पर्धि मन्जु अधिकारीले ७४ मत प्राप्त गरेकी छन् ।
