जङ्गली च्याउ खाँदा तनहुँमा एक महिलाको मृत्यु, अन्य ४ जना विरामी खतरामुक्त
दमौली । जङ्गली च्याउ खाएर विरामी परेकी एक महिलाको मृत्यु भएको छ । तनहुँको आँबुखैरेनी गाउँपालिका-६ हिलेखर्ककी ८५ वर्षीया द्रोणपति गुरुङको उपचारका क्रममा मृत्यु भएको हो ।
च्याउ खाएर बिरामी गुरुङको चितवनस्थित अस्पतालमा उपचार भइरहेकामा शुक्रबार मृत्यु भएको प्रहरी नायब उपरीक्षक दीपककुमार रायले जानकारी गराए ।
असार १ गते ५४ वर्षीय डिलबहादुर गुरुङले घर नजिकको जङ्गलबाट ल्याएको च्याउ खाँदा द्रोणपतिसहित ५७ वर्षीया मधु गुरुङ, ९२ वर्षीय रणबहादुर गुरुङ, ५८ वर्षीया पम्फी गुरुङ बिरामी परेका थिए ।
अन्य विरामी चार जनाको अवस्था भने खतरामुक्त रहेको प्रहरीले जनाएको छ ।
