अनलाइन मार्फत् ठगी गर्ने एक महिला पक्राउ
दमौली । अनलाइन मार्फत् ठगी गर्ने एक जना महिलालाई जिल्ला प्रहरी कार्यालय तनहुँले पक्राउ गरेको छ । प्रहरीले मकवानपुरको हेटौडा उपमहानगरपालिका–५ पिप्ले बस्ने २२ वर्षीया आस्था थापालाई पक्राउ गरेको हो ।
पक्राउ परेकी ती महिलाले तनहुँको व्यास नगरपालिका–१ बस्ने सिर्जना खड्कालाई सामाजिक सञ्जाल ह्वाट्सएपको प्रयोग गरी म्यासेजमार्फत् विदेशबाट मोवाइल, एयरबोर्ट समेतको सामान आएको छ भनी झुक्याएर पाँच लाख रुपैयाँ ठगी गरेको बताइएको छ ।
पक्राउ परेकी थापा विरुद्ध तनहुँ जिल्ला अदालतबाट म्याद थप गरी थप अनुसन्धान भइरहेको तनहुँका प्रहरी नायब उपरिक्षक दीपक रायले जानकारी दिए ।
