पोखराको प्राइम सहकारी ठगी प्रकरणका आरोपी श्रेष्ठ कारागार चलान
पोखराको गैह्रापाटनस्थित प्राइम बहुउद्देश्यीय सहकारी संस्थाको रकम हिनामिनाका आरोपी शंकर नारायण श्रेष्ठ कारागार चलान भएका छन् ।
कास्की जिल्ला अदालतले तोकेको धरौटी बुझाउन नसकेपछि उनी कारागार चलान भएका हुन् । तनहुँको ब्यास नगरपालिका वडा नम्बर १० बस्ने ५६ वर्षीय श्रेष्ठ यही मंसिर ८ गते पक्राउ परेका थिए ।
उनलाई आज कास्की जिल्ला अदालतमा उपस्थित गराइएको थियो । अदालतले ५० लाख धरौटी बुझाउन भनेको थियो । सो रकम तिर्न नसकेपछि उनी कारागार चलान भएको जिल्ला प्रहरी कार्यालय कास्कीले जनाएको छ ।
