एक महिने बालिका सहित तनहुँमा २६ जनामा कोरोना संक्रमण पुष्टि, व्यासमा मात्रै १६ जना थपिए
- भञ्ज्याङ समाचारदाता (दमौली)
तनहुँमा एक महिने बालिका सहित २६ जनामा कोरोना संक्रमण पुष्टि भएको छ । स्वास्थ्य निर्देशनालय पोखराले आज सार्वजनिक गरेको विवरणमा शुक्लागण्डकी नगरपालिकामा एक महिने बालिका, ३ वर्षका बालक र शुक्लागण्डकी-५ की २३ वर्षीया महिलामा संक्रमण पुष्टि भएको छ ।
भिमाद नगरपालिका-६ का ५२, २६, ५० वर्षका तीन जना महिला र २३, २६, ४४, ४१ वर्षका चार जना पुरुषमा संक्रमण पुष्टि भएको छ ।
त्यस्तै, व्यास नगरपालिका-११ मा २८ वर्षका पुरुष, वडा नं. २ का २७, ५३, ४६ वर्षका पुरुष र २७, ४२, २७ वर्षका महिला, वडा नं. ३ का ४८, २९, १५ वर्षका पुरुष, ४६, १७, ३०, ४४ वर्षका महिला, व्यास-४ का २८ वर्षका पुरुष र ४२ वर्षकी महिलामा संक्रमण पुष्टि भएको स्वास्थ्य निर्देशनालय जानकारी गराएको छ ।
