जीपी कोइराला श्वासप्रश्वास उपचार केन्द्रमा डायलसिस सेन्टरको सफल परीक्षण
दुलेगौडा : तनहुँको शुक्लागण्डकी नगरपालिकाको बेलचौतारास्थित जीपी कोइराला राष्ट्रिय श्वास प्रश्वास उपचार केन्द्रमा मृगौलाको समस्या भएका विरामीलाई लक्षित गरी निर्माण गरिएको डायलासिस सेन्टरको सफल परीक्षण गरिएको छ ।
केन्द्रमा निर्माण गरिएको डायलसिस सेन्टरमा बुधबार एक विरामीको सफल रुपमा डायलासिक गरिएको अस्पतालका कार्यकारी प्रमुख डा. रामकुमार श्रेष्ठले बताए ।
डा. श्रेष्ठका आनुसार डायलासिस गर्न सात वटा मेसिन जडान भएको केन्द्रको स्वास्थ्य विभागले अनुगमन गर्ने कार्यपश्चात नियमित सञ्चालन गर्ने तयारी गरिएको छ ।
सेन्टर निर्माणमा शुक्लागण्डकी नगरपालिका लगायत अस्पताल र स्वास्थ्य मन्त्रालयले समेत सहयोग गरेको अपस्पतालले जनाएको छ । बुधबार डायलसिस सेन्टरमा परीक्षण उपचार गर्न दमौली प्रादेशिक अस्पताल र जीपीमा कार्यरत चिकित्सकहरु सहभागि भएका थिए ।
जीपी अस्तालमा यस क्षेत्रमा सक्रिय विभिन्न सामाजिक संघ संस्थाहरु लायन्स क्लव अफ खैरेनीटार, म्याग्दे र लायन्सक्लव अफ शुक्लागण्डकी सिस्टर्सको विशेष सहयोग रहेको छ ।
डायलासिस सेन्टर स्थापना भएपछि शुक्लागण्डकी सहित भिमाद, म्याग्दे, घिरिङ्ग, रिसिङ्ग र स्याङजाको हरिनासका विरामीले लाभ लिन सक्ने लायन्स डायलसिस सेन्टर प्रोजेक्टका संयोजक सुजित हिराचनले बताए ।
