पञ्चमुनिदेव माविको व्यवस्थापन समिति अध्यक्षमा श्रेष्ठ
दुलेगौंडा : तनहुँको शुक्लागण्डकी नगरपालिका–४ दुलेगौंडास्थित पञ्चमुनिदेव माध्यमिक विद्यालयमा विद्यालय व्यवस्थापन समिति तथा शिक्षक अभिभावक संघ गठन गरिएको छ ।
स्थानीय अभिभावक, शिक्षक, पूर्वपदाधिकारी, वडाध्यक्ष तथा सरोकारवालाहरूको सहभागितामा सम्पन्न भेलाबाट सन्तोष श्रेष्ठको अध्यक्षतामा नयाँ व्यवस्थापन समिति चयन गरिएको हो । समितिको सदस्यहरू पूर्ण कुमार श्रेष्ठ, रामप्रसाद लम्साल र विमला कुमारी परियार रहेका छन् ।
यस्तै, रुपा पौडेलको अध्यक्षतामा शिक्षक अभिभावक संघ गठन गरिएको छ । संघको सदस्यहरुमा कृष्ण प्रसाद सिग्देल, अमृता खनाल भट्टराई, मुस्कान वानु रहेका छन् ।
विद्यालयका प्रधानाध्यापक एकनारायण भण्डारी तथा शिक्षकहरुले नवनिर्वाचित अध्यक्ष तथा सदस्यहरूलाई बधाई ज्ञापन गर्दै सफल कार्यकालको शुभकामना व्यक्त गरेको थिए ।
विद्यालयले आगामी दिनमा गुणस्तरीय शिक्षा र शैक्षिक पूर्वाधारमा सुधार ल्याउने दिशामा नयाँ समितिले नेतृत्व दिने विश्वास व्यक्त गरिएको छ ।
