बन्दीपुर अस्पतालमा अतिरिक्त समयमा सेवा लिने बिरामीको संख्या बढी
तनहुँ : तनहुँको बन्दीपुर गाउँपालिका अन्तर्गत रहेको बन्दीपुर अस्पतालमा नियमित सेवा समयभन्दा अतिरिक्त समयमा सेवा लिने बिरामीको संख्या बढी देखिएको छ ।
अस्पतालले शुक्रबार सार्वजनिक गरेको तथ्याङ्क अनुसार गत कार्तिक महिनामा करिब दुई हजार बिरामीले ओ.पि.डी. सेवा लिएका छन् । अस्पतालका अनुसार सो अवधिमा जम्मा १ हजार ९९६ जना सेवाग्राहीले ओ.पि.डी. सेवा प्राप्त गरेका हुन् ।
नियमित ओ.पि.डी. सेवा समय (बिहान १० बजेदेखि दिउँसो २ बजेसम्म) मा ८९८ जना अर्थात् ४४.९९ प्रतिशत सेवाग्राहीले सेवा लिएका छन् भने अतिरिक्त ओ.पि.डी. सेवा समय (बिहान ७ बजेदेखि १० बजेसम्म, दिउँसो २ बजेदेखि बेलुकी ८ बजेसम्म तथा सार्वजनिक बिदाका दिन)मा १ हजार ९८ जना अर्थात् ५५.०१ प्रतिशत सेवाग्राहीले सेवा लिएका छन्।
कर्मचारी, विद्यार्थी, ज्याला÷मजदुरी गर्ने श्रमिक, व्यापारी–व्यवसायी तथा गृहिणीहरूलाई लक्षित गरी बन्दीपुर अस्पतालले मिति २०८२ साल १ महिना १ गतेदेखि शनिबार र सार्वजनिक बिदाका दिनसमेत बिहान ७ बजेदेखि बेलुकी ८ बजेसम्म (कार्तिक १६ गतेदेखि बेलुकी ७ बजेसम्म) निःशुल्क ओ.पि.डी. सेवा सञ्चालन गर्दै आएको अस्पतालका प्रमुख डा. अनिल गिरीले जानकारी दिए ।
उनका अनुसार कार्तिक महिनामा सार्वजनिक बिदा बढी परेकाले नियमित सेवा समयभन्दा अतिरिक्त समयमा ओ.पि.डी. सेवा लिने सेवाग्राहीको संख्या बढी देखिएको हो । इमर्जेन्सी विभागका बिरामीहरू भने यस विवरणमा समावेश नगरिएको उनले बताए ।
