रास्वपा तनहुँको सभापतिमा बास्तोला निर्वाचित
दमौली : राष्ट्रिय स्वतन्त्र पार्टी (रास्वपा) तनहुँको सभापतिमा विश्वनाथ बास्तोला निर्वाचित भएका छन् । नयाँ नेतृत्व चयनका लागि आइतबार भएको अधिवेशनमार्फत् बास्तोला सभापतिमा निर्वाचित भएका हुन् ।
बास्तोलाले १८७ मत प्राप्त गरी निर्वाचित भएको निर्वाचन समितिका सदस्य राजु दाहालले जानकारी दिए । उनका प्रतिस्पर्धी डा. शेषरमण न्यौपानेले ६४ मत प्राप्त गरेका छन् ।
यस्तै उपसभापतिमा विष्णुबहादुर पन्त विजयी भएका छन् । उनले १३१ मत प्राप्त गरे भने उनका प्रतिस्पर्धी पदमराज न्यौपानेले १२४ मत प्राप्त गरेका छन् ।
सहसचिवमा दुर्गाकुमार श्रेष्ठ विजयी भएका छन् । उनले १२७ मत प्राप्त गरे भने उनका प्रतिस्पर्धी पदमबहादुर सुनारले १२६ मत प्राप्त गरेका छन् ।
यस्तै, सचिव पदमा अनिल श्रेष्ठ, सदस्यहरुमा सीता विक, अम्बिका वाग्ले, सीता अधिकारी, अञ्जु दाहाल, केशबहादुर थापा सर्वसम्मत निर्वाचित भएका छन् ।
क्षेत्र नम्बर १ को संयोजकमा शशी रुपाखेती र क्षेत्र नम्बर २ को संयोजकमा सुन्दर बस्याल सर्वसम्मत निर्वाचित भएका छन् ।
