मादी नदीमा निर्माणाधिन चार लेनको पुल
मुग्लिन–पोखरा सडकखण्ड अन्तर्गत तनहुँको दमौलीस्थित मादी नदीमा निर्माणाधिन चार लेनको पक्कि पुल । गत असार मसान्तसम्म निर्माण सम्पन्न गर्ने म्याद रहेपनि काम नसकिएपछि तीन सय दिन म्याद थप गरिएको मुग्लिन पोखरा सडक योजना -पूर्वी खण्ड)ले जनाएको छ । व्यास नगरपालिका–४ र ५ मादी नदीमाथि निर्माण भइरहेको आर्क डिजाइनको पुलको काम करिब ८६ प्रतिशत सकिएको र आगामि वैशाख १६ गतेसम्म म्याद थप गरिएको छ ।
उक्त पुल निर्माणका लागि वि.सं. २०७९ साउन २६ गते अन्नक जेडआइष्टी जेभीसँग सम्झौता भएको थियो । ३१५ मिटर लामो पुलमा छ वटा स्पान रहनेछ भने रु एक अर्ब २१ करोड भ्याट सहित लागतमा निर्माण भइरहेको पुल २३ मिटर चौडाइको एउटै मोनोलेथिक स्क्ट्रक्चर भएको यो नेपालकै पहिलो पुल भएको बताइएको छ । पृथ्वी राजमार्गको सबैभन्दा लामो आर्क डिजाइनको चार लेनको पुल हुने र हाल नदीमाथि रहेको दुई लेनको पुल ३७० मिटर लम्बाइको छ । सोही पुल भन्दा करिब ५० मिटरको दूरीमा नयाँ पुल निर्माण भइरहेको छ । तस्विर : आलोक राज कुमाल/भञ्ज्याङ
