देवघाटमा वडावडामै पुगि उपभोक्ता समितिलाई योजना अभिमुखिकरण र योजना सम्झौता

• भञ्ज्याङ समाचारदाता (देवघाट)

गाउँपालिकाबाट सञ्चालित हुने कार्यक्रममा वडाबासिलाई सहजता दिने उद्देश्यले तनहुँको देवघाट गाउँपालिकाले वडावडामै पुगि सेवा प्रवाह गर्न सुरु गरेको छ । गाउँपालिकाले यो अभियान अन्तरगत वडामा संचालन हुने योजनाहरु बारे उपभोक्ता समितिका पदाधिकारीहरुलाई अभिमुखिकरण र योजना सम्झौता कार्यक्रम सञ्चालन गरेको छ ।

कार्यक्रम अन्तरगत गाउँपालिकाले वडा नं. १ को वडा कार्यालयमा गाउँपालिका अन्तरगत विभिन्न वडाहरुमा संचालन हुने योजनाहरु बारे उपभोक्ता समितिका पदाधिकारीहरुलाई अभिमुखिकरण कार्यक्रम गरेको छ। यही अवसरमा उपभोक्ताहरुसंग योजना सम्झौता गरिएको गाउँपालिकाका प्रमुख प्रशासकीय अधिकृत नरहरी सापकोटाले बताए ।

गाउँपालिकाको बिकासका लागि विभिन्न संघ, संस्थाहरुसंग समन्वय गरी अगाडि बढ्ने र हरेक वडामा प्रत्यक्ष उपभोक्त समितिका पदाधिकारीहरुसंग भेट्ने, सल्लाह, सुझाव र त्यस ठाउँको समस्यका विषयमा जानकारी लिई के कसरी समाधान गर्ने भन्ने विषयमा अन्तरक्रिया समेत गर्ने गरेको सापकोटाले बताए ।

वडा नं. १ मा कार्यक्रम गर्दै गाउँपालिकाले उपभोक्त समितिका पदाधिकारीहरुलाई समयमै योजनाको सम्झौता गरी समयमै गुणस्तरीय काम सम्पन्न पश्चात भुक्तानी लिन समेत अनुरोध गर्दै विभिन्न योजनाहरुको सम्झौता समेत गरिएको थियो ।

वडा नं. १ को कार्यालयमा चालु आर्थिक वर्ष २०७७/०७८ विनियोजन बिकास योजनाको १२ वटा बिकास योजनाको सम्झौता गरिएको छ । जसमा आडबजे कुलो मर्मत, गोपिटार साना सिंचाई योजना, च्वारखोला कुलो मर्मत योजना, झयाडि खोला कुलो मर्मत योजना, बसेनिटार खहरे कुलो मर्मत योजना, बाघढुडे कुलो मर्मत योजना र गहते खानेपानी तथा सरसफाइ योजना लगायतका योजनाहरुको सम्झौता भएको गाउँपालिकाका इन्जिनियर तिर्थराज ढुंगानाले जानकारी गराएका छन् ।

वडा नं. १ का कार्यबहाक अध्यक्ष बगमाया गुरुङको अध्यक्षतामा आयोजित कार्यक्रममा कार्यपालिका सदस्य चन्द्र प्रकाश बि.क., वडा नं. १ का वडा सदस्य मान बहादुर गुरुङ र सुन्दर भुजेल, गाउँपालिकाका लेखा शाखा प्रमुख उमनाथ ढकाल, गाउँपालिकाका इन्जिनियर प्रमुख तिर्थराज ढुंगाना, योजना शाखा प्रमुख रामप्रसाद सापकोटा, वडा नं. १ का सचिव कुलराज पौडेल लगायतले योजना सम्झौता तथा अभिमुखिकरण कार्यक्रममा सहजिकरण गरेका थिए ।

यस्तै, गाउँपालिकाले वडा नं. २ मा २४ गते, वडा नं. ३ मा २५ गते, वडा नं. ४ मा ३० गते वडामा संचालन हुने योजनाहरुको सम्झौता तथा उपभोक्त समितिका पदाधिकारीहरुलाई अभिमुखिकरण कार्यक्रम गर्ने तयारी गरेको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर