तनहुँमा फुटसल संघ गठन
- भञ्ज्याङ समाचारदाता (गण्डकी)
तनहुँमा फुटसल संघ गठन गरिएको छ । एन्फा केन्द्रीय सदस्य एवं फुटसल संयोजक रत्नकुमार श्रेष्ठको उपस्थितिमा दमौलीमा आयोजित खेलाडीहरूको भेलाले संघ गठन गरेको हो ।
कुमार श्रेष्ठको अध्यक्षतामा गठित कार्य समितिको उपाध्यक्षमा राजेश मल्ल, सचिवमा युवराज भण्डारी तथा कोषाध्यक्षमा कुमार मल्ल छन् । कार्य समितिका सदस्यहरुमा अनुप राना, विनोद थापा, केशव राना, प्रवीण राना र दुर्गा रानाभाट रेहका छन् । संघको सल्लाहकारमा सुरेश पुरी, अञ्जनकुमार श्रेष्ठ, सुवर्ण श्रेष्ठ र कृष्णनारायण बतास छन् । कार्यक्रममा केन्द्रीय सदस्य श्रेष्ठले कार्यकाल सफलताको शुभकामना दिँदै निर्वाचित कार्य समितिलाई बधाई दिएका थिए ।
