म्याग्देमा नवौं आदर्श तथा चौथो तारा स्मृति कप हुने
तनहुँको म्याग्दे गाउँपालिका-४ स्थित आदर्श नमूना क्लवले फागुन २४ गतेदेखि नवौ आदर्श तथा चौथो तारा स्मृति कप सेभेन ए साइड फुटबल प्रतियोगिता गर्ने भएको छ । ‘युवाको कामना सकारात्मक परिवर्तनमा आदर्श नमूना’ भन्ने नाराका साथ क्लवले एघारौ वाषिर्कोत्सव तथा समाजसेवी स्व. ताराराज रानाको सम्झनामा फुटबल प्रतियोगिता आयोजना गर्न लागेको हो ।
आदर्श तारा मनहरी खेलमैदानमा फागुन २९ गतेसम्म प्रतियोगिता सञ्चालन हुने क्लवका अध्यक्ष गौरवराज रानाले बताए । प्रतियोगिताका विजेतालाई एक लाख एक र उपविजेताले ५० हजार एक रुपैयाँ नगद सहित ट्रफी, मेडल र प्रमाणपत्रद्वारा पुरस्कृत गरिने भएको छ ।
यस्तै, प्रतियोगितामा उत्कृष्ट खेलाडी, र्सवाधिक गोलकर्ता, उत्कृष्ट गोलरक्षक र उत्कृष्ट डिफेन्डरलाई पुरस्कार प्रदान गरिनेछ । क्वाटरफाइनलदेखिको सम्पूर्ण खेलहरुमा म्यान अफ दि म्याच समेत प्रदान गरिने क्लवले जनाएको छ ।
