व्यास-१ को भादगाउँ कराँदी खिरखाँदी खानेपानीमा दरै
भञ्ज्याङ न्यूज
तनहुँको व्यास नगरपालिका-१ स्थित भादगाउँ कराँदी खिरखाँदी खानेपानी तथा सरसफाई उपभोक्ता समितिको अध्यक्षमा पुनः चिजबहादुर दरै निर्वाचित भएका छन् । उपभोक्ता समितिको शनिबार सम्पन्न १ औं वाषिर्क साधारण सभा तथा ७औं अधिवेशनबाट दरैको अध्यक्षतामा नयाँ कार्यसमिति सर्वसम्मत चयन गरिएको हो । समितिको उपाध्यक्षमा रामकुमार गोशेली, सचिव राजेश्वर हड्खले र कोषाध्यक्षमा रिता र्घर्ती चयन भएका छन् ।
समितिको सदस्यहरुमा सन्त तामाङ, बाबुराम पन्थ क्षेत्री, गणेश गुरुङ, रामराज अधिकारी, कृष्ण भट्ट, कमला अधिकारी, राजेन्द्र परियार, देवी थापा, सुनिता सुनार, शान्ता खवास र बिरबहादुर दरै चयन भएको बताइएको छ ।
समितिको साधारण सभाको उद्घाटन गर्दै व्यास नगरप्रमुख बैकुण्ठ न्यौपानेले मादीनदी लिफ्टिङ सहलगानी आयोजनामा नगरपालिकाले सक्दो सहयोग गर्ने प्रतिबद्धता जनाएका थिए । बढ्दो बजारीकरणका कारण पानीको माग बढ्दै गएकाले खानेपानीको स्रोत पहिचान र व्यवस्थापनमा सबैले ध्यान दिनुपर्ने नगरप्रमुख न्यौपानले बताए ।
समितिका अध्यक्ष चिजबहादुर दरैको अध्यक्षतामा आयोजित उद्घाटन कार्यक्रममा भू तथा जलाधार व्यवस्थापन कार्यालयका प्रमुख कृष्णराज घिमिर, नेकपा एमालेका प्रतिनिधी निर्मल पण्डित, नेकपा (माओवादी केन्द्र)का प्रतिनिधी केहरसिं -बादल) आले लगायतले आ-आफ्ना विचार व्यक्त गरेका थिए
यस्तै, संस्थाको साधारण सभाका अवसरमा छाब्दी खानेपानीको डिपिआर गर्न सहयोग पुर्याउने अशोक कुमार श्रेष्ठलाई सम्मान गरिएको छ । त्यसैगरी खानेपानी बिभागका इन्जिनियर दिवाकर घिमिरे, खानेपानी डिभिजन कार्यालयका इन्जिनियर चिरञ्जीवि सेढाइ, इन्जिनियर हरिदत्त पौडेल, रामचन्द्र बस्नेत, रमेशचन्द्र हड्खले र आदिकवि भानुभक्त क्याम्पसका प्रमुख महाप्रसाद हड्खलेलाई समितिले सम्मान गरेको थियो । समितिले कर्मचारी तर्फप्लाम्बर सुख कुमार श्रेष्ठ, मीटर रिडर बिन्दु अधिकारी, जग्गादाता लगायतलाई समेत सम्मान गरेको थियो ।
उक्त संस्थाले मादी नदी लिफ्टिङ सहलगानी आयोजनाको लागि करिब रु. २६ करोड १५ लाखको लागतमा शुरु गरिसकेको जनाएको छ । ७० प्रतिशत नेपाल सरकारको र ३० प्रतिशत उपभोक्ताको सहयोगमा दीर्घकालिन रुपमा खानेपानीको समस्या हटाउन उक्त आयोजनाको शुरु गरिएको बताइएको छ । खानेपानी संस्थाले व्यास नगरपालिका-१ र १२ का गरी करिब २ हजार ५०० घरधुरीमा पानी बितरण गर्दै आएको जनाइएको छ ।
