किशोरीमाथि सामुहिक करणी गरेको अभियोगमा तनहुँको भानुबाट २ जना पक्राउ, ३ फरार
भञ्ज्याङ न्यूज
१९ वर्षीया किशोरीलाई सामुहिक करणी गरेको अभियोगमा प्रहरीले तनहुँको भानुबाट २ जनालाई पक्राउ गरेको छ । पक्राउ पर्नेमा भानु नगरपालिका-३ चाम्बास बस्ने २४ वर्षीय अशोक गुरुङ र विशाल बाबु भन्ने देवराज सुनारलाई पक्राउ गरेको हो ।
उनीहरुलाई इलाका प्रहरी कार्यालय भानुबाट खटिएको प्रहरीले टोलीले शनिबार दिउँसो पक्राउ गरेको प्रहरी नायव उपरीक्षक युवराज तिमिल्सिनाले बताए ।
किशोरीलाई पाँच जनाले सामूहिक जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय भानुबाट खटिएको प्रहरीले उनिहरुलाई पक्राउ गरेको तिमिल्सिनाले बताए ।
तिमिल्सिनाका अनुसार घटनामा संलग्न तीन जना फरार रहेको र उनिहरुको खोजी भइरहेको छ । पाँच जनाले सामुहिक जबरजस्ती करणी गरेको भन्ने सूचना पाएलगत्तै दुइ जनालाई पक्राउ गरेर अनुसन्धान थालेको तिमिल्सिनाले बताए ।
