तनहुँको म्याग्दे गाउँपालिकामा व्याडमिन्टन प्रतियोगिता सम्पन्न

तनहुँको म्याग्देमा महाशिवरात्रिको अवसरमा नव पसले युवा क्लवले म्याग्दे गाउँपालिका स्तरीय खुल्ला डवल्स दोर्सो नव पसले व्याडमिन्टन कप २०७८ सम्पन्न गरेको छ । पसले आधारभुत विद्यालय म्याग्दे-३ मा संचालन भएको म्याग्दे गाउँपालिका स्तरीय सो खेलमा १७ टिमको सहभागिता रहेको थियो ।

प्रतियोगितामा प्रथम थर्पु व्याडमिन्टन क्लवका रमेश श्रेष्ठ, कामन थापा, द्वितीय नव पसले युवा क्लवका सोभियत परियार, सुनाम श्रेष्ठ र म्याग्दे गाउँपालिकाबाट दिपक श्रेष्ठ, प्रदिप न्यौपाने तृतीय भएका छन् । नव पसले युवा क्लवका अध्यक्ष आशिष श्रेष्ठका अनुसार प्रथमलाई १० हजार, द्वितीयलाई ५ हजार र तृतीयलाई ३ हजार नगद, ट्रफी र प्रमाणपत्र प्रदान गरिएको थियो ।

विजेताहरुलाई पुरस्कृत गर्दै म्याग्दे गाउँपालिकाका उपाध्यक्ष वालकृष्ण घिमिरेले व्याडमिन्टन खेल स्वास्थ्यका लागि प्रभावकारि भएको बताए । खेल प्रतियोगिता आयोजना हुँदा युवाहरूमा भएको प्रतिभा उजागर हुने बताउदै उपाध्यक्ष घिमिरेले भने, ‘गाउँपालिकाले खेलकुद कार्यक्रमलाई प्रथमिकता दिएको छ ।’

क्लवका अध्यक्ष श्रेष्ठका अनुसार ३४ खेलाडी मध्ये उत्कृष्ट खेलाडी म्याग्दे गाउँपालिकाका कर्मचारी प्रदिप न्यौपाने र म्याच अफिसल दिपक कुमार श्रेष्ठलाई छनोट गरी ट्रफी प्रदान गरिएको बताए । क्लवले व्याडमिन्टन प्रतियोगिता, सरसफाई, जनचेतना, तालिम लगायतका कार्यक्रम गर्ने गरेको अध्यक्ष श्रेष्ठले बताए ।

सेयर गर्नुहोस्

प्रतिक्रिया दिनुहोस्

सम्बन्धित खवर