दलित पुरोहित समाजले दमौलीमा सामूहिक रक्षाबन्धन गर्ने
बैदिक सनातन कर्मकाण्ड व्यास दलित पुरोहित समाजले भदौ ३ गते सोमबार यज्ञोपवित (सामूहिक रक्षाबन्धन) कार्यक्रम गर्ने भएको छ । समाजका अध्यक्ष तिलक बिश्वकर्माको अध्यक्षतामा शनिबार बसेको बैठकले दमौलीको अनसन चौतारीमा रक्षाबन्धन गर्ने निर्णय गरेको हो ।
गतबर्ष दमौलीको अनसन चौतारीमा सामूहिक रक्षाबन्धन गरिएकोमा यसबर्ष पनि निरन्तरता दिन लागिएको समाजका सचिव बिश्व बुढा परियारले जानकारी दिए ।
उनका अनुसार उक्त दिन सबेरै जनै मन्तर्ने कार्य पश्चात रक्षाबन्धन कार्यक्रममा सहभागि हुने भएकाले सबैमा रक्षाबन्धनका लागि अनुरोध गरिएको छ ।
व्यास नगरपालिकाको आर्थिक सहयोगमा गतबर्ष कर्मकाण्ड सम्बन्धी तालिम लिएपछि झण्डै एक दर्जनको हाराहारीमा दलित समुदायबाट पुरोहित उत्पादन भैसकेको समाजले जनाएको छ ।
