व्यासको साँगेखोलामा डुबेर युवकको मृत्यु
व्यास नगरपालिका-५ स्थित साँगेखोलामा डुबेर शुक्रबार एक युवकको मृत्यु भएको छ । मृत्यु हुनेमा म्याग्दे गाउँपालिका-७ का १८ वर्षीय रुपेश वि.क. रहेको जिल्ला प्रहरी कार्यालय तनहुँले जनाएको छ ।
माछा मार्ने क्रममा खोलामा डुबेर बेपत्ता भएका वि.क.लाइ प्रहरी र स्थानीयवासीले उद्धार गरी दमौली अस्पताल पुर्याएकामा चिकित्सकले मृत घोषणा गरेको प्रहरीले बताएको छ । वि.क.संगै माछा मार्न गएका १७ वर्षीय विशाल उचैको भने जीवितै उद्धार गरिएको छ । उचैको अहिले दमौली अस्पतालमा उपचार भइरहेको छ र अवस्था सामान्य रहेको प्रहरीले जनाएको छ ।
