स्कूल बस र मोटरसाइकल दुर्घटना हुँदा एक जनाको मृत्यु
भञ्ज्याङ न्यूज
तनहुँको व्यास नगरपालिका-११ शेरामा स्कुल बस र मोटरसाइकल ठक्कर खाँदा शनिबार एक जनाको मृत्यु भएको छ ।
व्यास-११ मै रहेको माया युनिभर्स एकेडेमी स्कुलको बस र मोटरसाइकल ठोक्किँदा मोटरसाइकलमा सवार सोही वडाको बेल्टारी बस्ने २३ वर्षीय विक्रम सुनार रहेको जिल्ला प्रहरी कार्यालयले जनाएको छ ।
दुर्घटनामा मोटरसाइकल चालक २२ वर्षीय सुजन सुनार घाइते भएका छन् । घाइतेको दमौलीमा उपचार भइरहेको छ ।
घाँसीकुवाबाट फराकचौरतर्फ जाँदै गरेको ग१क २६८३ नम्बरको बस र विपरीत दिशाबाट आउँदै गरेको ग१५प ६५०४ नम्बरको मोटरसाइकल एकापसमा ठोक्किएको बताइएको छ ।
साघुरो सडकमा तीब्र गतिमा गुडेको मोटर साइकल सिधै बसमा आई ठोकिदा दुर्घटना हुन गएको बताइएको छ ।
