घाँस काट्ने क्रममा लडेर तनहुँमा एक गर्भवती महिलाको मृत्यु
भञ्ज्याङ न्यूज
घाँस काट्ने क्रममा लडेर तनहुँकी एक गर्भवती महिलाको मृत्यु भएको छ । ऋषिङ्ग गाउँपालिका-३ सोलुङ्गकी २४ बर्षीया दरिमाया थापाको मृत्यु भएको हो ।
घर नजिककै खरबारीमा शनिबार साँझ घाँस काट्ने क्रममा अचानक रिगँटा लागेर लडेकी थापाको उपचारका क्रममा मृत्यु भएको तनहुँ प्रहरीले जनाएको छ ।
घाँस काट्ने क्रममा रिगँटा लागेर ढिस्कोबाट करिब एक मिटर तल खस्दा बेहोश भएकी थापाको उपचारको क्रममा दमौली अस्पतालमा मृत्यु भएको बताइएको छ ।
बेहोस बनेकी थापाको तत्कालै उपचारका लागि दमौली अस्पताल ल्याइएकोमा चिकित्सकले मृत्यु घोषणा गरेको जिल्ला प्रहरी तनहुँका प्रहरी नायव उपरीक्षक युवराज खड्काले बताए ।
मृतक थापाको पेटमा सात महिनाको गर्भ रहेको बताइएको छ ।
