एमालेको निर्वाचन परिचालन कमिटीको बैठक सम्पन्न

नेकपा (एमाले) क्षेत्र नं २ क्षेत्रिय निर्वाचन परिचालन कमिटीको बैठक सम्पन्न भएको छ । कमिटीको संयोजक रत्नादेवी घिमिरेको अध्यक्षतामा भएको बैठकमा पार्टीको तर्फवाट प्रतिनिधीसभा र प्रदेशसभा उम्मेदवारको चुनावी कार्यक्रम, घरदैलो अभियान, प्रचारप्रसार सम्वन्धि विषयमा छलफल भएको थियो ।

बैठकले निर्वाचन अवधिसम्मको कार्यक्रम समेत तय गरिएको छ । नेकपा (एमाले) म्याग्दे गाँउकमिटीको अध्यक्ष बसन थापाले निर्वाचनमा आफनो पार्टीका उम्मेदवारलाई बिजयी गराउन सबै आ-आफ्नो तर्फबाट खट्नुपर्ने बताएका थिए ।

यस्तै कार्यक्रमका अध्यक्ष घिमिरेले आसन्न निर्वाचनमा आफ्नो उम्मेदवारलाई जिताउन हरेक टोल टोलमा गएर पार्टी र उम्मेदवारको पक्षमा मत माग्न आग्रह गरेकी थिइन् । सो अवसरमा निर्वाचन परिचालन गर्नका लागी विभिन्न समितिहरु समेत गठन गरिएको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर