युवालाई राजनीतिमा ल्याउनुपर्छ : उम्मेदवार गुरुङ

नेकपा (एमाले) तनहुँ क्षेत्र नं. १ प्रदेश २ का उम्मेदवार पूर्ण बहादुर गुरुङले अब युवा पुस्तालाई राजनीतिमा ठाउँ दिनुपर्ने बताएका छन् । अग्रजहरुलाई सम्मान गर्दै अब देश हाक्ने जिम्मेवारी युवा पुस्तालाई दिनसके देशले काँचुली फेर्ने बताएका छन् ।

उम्मेदवार गुरुङले सधै एउटै व्यक्ति लामो समयसम्म लाभको पदमा वसिरहने, पदमा बसेर पदीय जिम्मेवारी ननिभाउने भएपछि जनतामा उत्साह नछाएको बताए । उनले भने, ‘अवसर आवश्यकताका लागि हुनुपर्दछ ।

जनमत एकातिर तर शक्तिको दुरुपयोग गरि लाभको पद सधै निश्चित व्यक्तिलाई हुँदा युवा र जनतालाई नै वितृष्णा छाएको छ ।’ मतदाताको घरदैलो गर्दै गुरुङले युवालाई राजनीतिमा आकर्षित गर्न पनि मेरो उम्मेदवारी बताउँदै नेकपा (एमाले) नै परिवर्तनकारी शक्ति भएको हुँदा एमालेलाई भोट दिएर जिताउन आग्रह गरे ।

राजनीतिमा युवा शक्तिले अवसर नपाउँदा धेरै युवाहरु विदेशिन बाध्य भएको बताए । चुनावी अभियानका क्रममा बन्दिपुर गाउँपालिका अन्तर्गत हुस्लाङ, रानीवजार, चिसापानी, शेराटार र रामकोटमा घरदैलो तथा भेटघाट गर्दै आफ्नो पक्षमा मतदान गर्न मतदातालाई आग्रह गरेका छन् ।

घरदैलो अभियानमा प्रतिनिधीसभाका उम्मेदवार एकवहादुर राना, नेकपा (एमाले) तनहुँका उपसचिव प्रदिपराज अधिकारी, जिल्ला कमिटी सदस्य प्रेम प्रसाद पौडेल, नुर महमद मिया लगायतका नेता तथा कार्यकर्ताहरुको सहभागिता रहेको थियो ।

सेयर गर्नुहोस्

प्रतिक्रिया दिनुहोस्

सम्बन्धित खवर