राष्ट्रपतिको कुर्सी गुमाएपछि कांग्रेस नेता पौडेललाई गृह जिल्लामा गुन्द्री उपहार
भञ्ज्याङ न्यूज
मुखैमा आएको राष्ट्रपति पद गुमाएका नेपाली कांग्रेसका वरिष्ठ नेता रामचन्द्र पौडेललाई गृह जिल्लामा मतदाताले गुन्द्री उपहार दिएका छन् ।
पाँच दलीय गठबन्धन भत्किएपछि मुखैमा आएको राष्ट्रपति पद गुमेर सबैभन्दा रनाहामा परेका पौडेललाई निर्वाचन क्षेत्रका जनताले गुन्द्री उपहार दिएका हुन् ।
तमु ल्होसारका अवसरमा तनहुँको बन्दिपुर-६ स्थित खहरेटारमा आयोजित कार्यक्रममा आयोजकले पौडेललाई गुन्द्री उपहार दिएर स्वागत गरेका हुन् ।
स्थानीय मिलिजुली युवा क्लबले आयोजना गरेको खुल्ला पुरुष भलिबल प्रतियोगिता उद्घाटन गर्न आइपुगेका पौडेलले यो गठबन्धन पनि कुनै पनि बेला भंग हुन सक्ने बताएका थिए ।
जीवनमा एक पटक प्रधानमन्त्री बन्ने लक्ष्य पूरा नभए पनि यस पटक गठबन्धनबाट राष्ट्रपति बन्ने कसरतमा थिए पौडेल ।
उनले गठबन्धन टुट्न नदिन अन्तिमसम्म प्रयास गरेका थिए । गठबन्धन टुटेपछि सबै सपना भताभुङ्ग भएको टिप्पणी पौडेलले गरेका छन्।
