म्याग्देका २४ वर्षीय सुमन एक सातादेखि सम्पर्कविहिन

तनहुँको म्याग्दे गाउँपालिका घुम्ती निवासी एक युवा विगत एक सातादेखि सम्पर्कविहिन भएका छन् । सुस्त मनस्थिति २४ वर्षीय सुमन श्रेष्ठ माघ १० गतेदेखि सम्पर्कविहिन भएका हुन् ।

सधैंजसो दमौली गएर फर्कने गरेका सुमन माघ १० गतेदेखि घर नफर्किएको निजका बुबा रामप्रसाद श्रेष्ठले बताए । छोराको खोजीकार्यका लागि प्रहरीमा खबर गरेपनि केही पत्ता नलागेको उनले बताए ।

सुमनका आमा उमादेवी छोरा सम्पर्कविहिन भएदेखि चिन्तित छिन् । ‘छोरा हराएको दिनदेखि आमा राम्रोसँग निदाउन पनि सकेकी छैन’, रामप्रसादले भने । उनका अनुसार सुमनले बिहान बेलुका नियमित औषधी सेवन गर्नुपथ्र्यो ।

छोराको उपचारका लागि धेरै ठाउँमा गएपनि सुधार नभएको उनले भने । उनले भने, ‘छोराले मान्छे चिन्ने भएतापनि कहिलेकाँही भुल्ने समस्या थियो ।’ करिब पाँच फिट चार इन्च अग्ला सुमनलाई देखेमा नजिकको प्रहरी कार्यालयमा सम्पर्क गरिदिन प्रहरीले आग्रह गरेको छ ।

सेयर गर्नुहोस्

प्रतिक्रिया दिनुहोस्

सम्बन्धित खवर