डुम्रेमा अन्तर सहकारी समन्वय समितिको बैठक सम्पन्न

तनहुँको बन्दिपुर गाउँपालिका-१ डुम्रे बजार वरपरका वचत तथा ऋण सहकारी संस्थाहरुको अन्तर सहकारी समन्वय समितिको बैठक शनिबार डुम्रेमा सम्पन्न भएको छ । डुम्रे बचत तथा ऋण सहकारी संस्थाको व्यवस्थापनमा बसेको बैठकमा सहकारी संस्थाहरुको कर्जा जोखिम न्यूनिकरणका विषयमा छलफल गरिएको छ ।

बैठकमा सबै सहकारीका ऋण उपसमिति संयोजकत्वमा खराव ऋणीको विवरण प्रस्तुत गरिएको थियो । खराव कर्जा कारोवार गर्ने सदस्यको नाम तिनपुस्ते सहित खराव ऋणीमा सूचिकृत समेत बैठकले गरेको छ ।

सहकारीका खराव ऋणी सदस्यलाई असार मसान्तसम्मा व्यवस्थापन गर्न सचेत गराउने, नतिरेमा उक्त नामावली सूचना बोर्ड, सार्वजनिक स्थान, वडा कार्यालय टाँस गर्ने र स्थानीय निकायबाट पाउने सेवा सुविधासम्म रोक्का गर्न सक्ने गरी लेखि पठाउने निर्णय बैठकले गरेको छ ।

डुम्रे सहकारीको सभापतित्वमा आयोजित बैठकमा बन्दिपुर-१ का अध्यक्ष शिवकुमार श्रेष्ठ, अन्तर सहकारी समन्वय समितिका संस्थापक अध्यक्ष परशुराम अधिकारी लगायतले सहकारीलाई बचाई राख्न जोखिम कर्जा घटाउनुपर्ने बताएका थिए ।

सेयर गर्नुहोस्

प्रतिक्रिया दिनुहोस्

सम्बन्धित खवर