सुन ठगी आरोपमा बन्दीपुरबाट दुइ भारतीय पक्राउ
तनहुँको बन्दीपुर गाउँपालिका-३ शेरामा सुन सफा गरिदिन्छु भनेर ठगी गर्ने दुइ भारतीय नागरिक पक्राउ परेका छन् । पक्राउ पर्नेमा भारतको सिलगुडी बस्ने ३८ वर्षीय आनन्द सोनी र ३७ वर्षीय अरुण सोनी रहेको प्रहरीले जनाएको छ ।
शेराटार बस्ने प्रेमबहादुर अधिकारीले हातमा लगाएको सुनको औठी सफा गरिदिन्छौ भनेर ठगी गरेको अभियोगमा निजहरुलाई पक्राउ गरिएको इलाका प्रहरी कार्यालय बन्दीपुरले जनाउको छ । निज भारतीयहरुले अधिकारीको सुन सफा गरी जोख्दा ३० लाल कम भएको भेटिएको थियो ।
पीडित अधिकारीले टेलिफोनमार्फत् प्रहरीलाई खबर गरेपछि तत्कालै पुगेको प्रहरी टोलीले निजहरुलाई पक्राउ गरेका हो । पक्राउ परेकाहरुलाई आवश्यक कारवाहीका लागि दशीका सामान सहित इलाका प्रहरी कार्यालय भानु पठाइएको छ ।
