डुम्रे बचत तथा ऋण सहकारीको साधारण सभा सम्पन्न

तनहुँको बन्दीपुर गाउँपालिका-१ डुम्रे स्थित डुम्रे बचत तथा ऋण सहकारीले १७औं वार्षिक साधारण सभा सम्पन्न गरेको छ । संस्थाका अध्यक्ष राम कुमार पियाको सभापतित्वमा साधारण सभा गरिएको हो ।

उक्त साधारणसभालाई सम्बोधन गर्दै बन्दीपुर गाउँपालिकाका अध्यक्ष सुरेन्द्र थापाले सहकारीको मर्म र उद्देश्य अनुसार काम गर्न सुझाउँदै सर्वसाधारणलाई सहज रुपमा वित्तिय पहुँच पुर्‍याउन सहकारीले महत्वपूर्ण भूमिका खेल्दै आएको बताए ।

साधारणसभामा संस्थाले आर्थिक वर्ष २०७९/०८० मा १६ करोड १ लाख ४४ हजार २८४ रुपैयाँ बराबरको आर्थिक कारोवार गरेको आर्थिक प्रतिवेदन प्रस्तुत गरिएको थियो । यो रकम कारोवार गर्दा संस्थाले १३.६४ प्रतिशत मुनाफा आर्जन गरेको बताइएको छ । यस्तै, सो अवसरमा उत्कृष्ट र नियमित विधामा बचत तथा ऋण कारोवार गर्ने सदस्य, ज्येष्ठ नागरिक सदस्यलाई सम्मान गरिएको थियो ।