दमौली बजार इकाईमा नयाँ कार्यसमिति चयन

तनहुँ उद्योग वाणिज्य संघ दमौली बजार इकाईको १२औं अधिवेशनबाट नयाँ कार्यसमिति चयन गरिएको छ । इकाइको सभापति पदमा सुकनारायण मल्ल सर्वसम्मत चयन भएका छन् । इकाईको सभापतिसँगै सदस्यहरु पनि सर्वसम्वत चयन भएका छन् ।

इकाईको सदस्यहरुमा अनिलकुमार श्रेष्ठ, अनुप दाहाल, अर्जुन पौडेल, बलराम वाग्ले, बीरबहादुर नेपाली, बिष्णुकुमार कायस्थ, चिजकुमार श्रेष्ठ, नारायण सापकोटा, पोष्टमान श्रेष्ठ, रबि भुजेल, प्रकाश श्रेष्ठ, संगम घर्ती, ठाकुर प्रसाद पौडेल र टिकाराम गिरी सर्वसम्मत चयन भएको बताइएको छ ।

यस्तै, इकाइको जिल्ला प्रतिनिधि, उपसभापति र कोषाध्यक्षमा भने निर्वाचन भएको थियो । सर्वसम्मत नभएका पदमा आइतबार भएको निर्वाचनबाट उपसभापतिमा शेषराज श्रेष्ठ विजयी भएका छन् । आइतबार राति सकिएको मतगणना अनुसार २३० मत प्राप्त गरी श्रेष्ठ उपसभापतिमा विजयी भएका हुन् । उपसभापतिका प्रतिस्पर्धी राजेन मियाँले ११० र इन्द्रलाल श्रेष्ठले १०४ मत प्राप्त गरेका थिए ।

कोषाध्यक्षमा नारायण मल्ल निर्वाचित भएका छन् । उनले २०२ मत प्राप्त गरे । प्रतिस्पर्धी युवराज भण्डारीले १३६ र हर्षमान श्रेष्ठले ९४ मत प्राप्त गरेका थिए । त्यस्तै १४ जना सदस्य पनि र्सवसम्मत निर्वाचित भएका छन् । इकाईको सदस्यहरुमा अनिलकुमार श्रेष्ठ, अनुप दाहाल, अर्जुन पौडेल, बलराम वाग्ले, बीरबहादुर नेपाली, बिष्णुकुमार कायस्थ, चिजकुमार श्रेष्ठ, नारायण सापकोटा, पोष्टमान श्रेष्ठ, रबि भुजेल, प्रकाश श्रेष्ठ, संगम र्घर्ती, ठाकुर प्रसाद पौडेल र टिकाराम गिरी र्सवसम्मत चयन भएका छन् ।

दमौली बजार इकाईको जिल्ला प्रतिनिधिमा पाँच जना विजयी भएका छन् । जिल्ला प्रतिनिधिमा भरतकुमार श्रेष्ठ, किनकुमार श्रेष्ठ, एकप्रसाद श्रेष्ठ, महेश मल्ल र सलिम मियाँ विजयी भएका छन् । जिल्ला प्रतिनिधिमा दश जना प्रतिस्पर्धी थिए । उपसभापति, कोषाध्यक्ष र जिल्ला प्रतिनिधिका लागि चुनाव भएको थियो । ७६२ मतदातामध्ये ४७६ मत खसेको थियो ।