दीपशिखाले कक्षा ११ का विद्यार्थीलाई छात्रवृत्ति प्रदान गर्ने
डुम्रे । तनहुँको बन्दीपुर गाउँपालिका–१ डुम्रेस्थित दीपशिखा बन्दीपुर ईङ्लिस बोर्डिङ स्कुलले शैक्षिक सत्र २०८१/०८२ मा काक्षा ११ विज्ञान विषय पढ्न चाहने विद्यार्थीहरुलाई ५० प्रतिशतदेखि शत प्रतिशतसम्म छात्रवृत्ति प्रदान गर्ने भएको छ ।
विद्यालयले विद्यार्थीको एस.ई.ई र ईन्ट्रान्सको अंकको आधारमा सो छात्रवृत्ति दिन लागेको हो । सबैलाई छात्रवृत्ति शीर्षकको यो योजनामा ५०% छात्रवृत्ति सबै भर्ना हुने विद्यार्थीले पाउने स्कुल व्यस्थापन समितिले जनाएको छ।
दीपशिखा स्कुल २०१० इ.स.मा स्थापना भइ २०२१ इ.स.मा पहिलोपटक एस.ई.ई. परीक्षामा भाग लिएको थियो । काक्षा ११/१२ विज्ञान विषयको पढाई विहान ७ देखि साँझ ६ बजेसम्म प्रत्यक्ष निगरानीमा सञ्चालन गर्ने तयारी गरेको शैक्षिक निर्देशक संजय कुमार क्षेत्रीले जानकारी गराए ।
विज्ञान पढ्न गाह्रो हुन्छ भन्ने हाउँगुजिलाई चिर्दै जो कोही पनि विज्ञान विषय पढ्न सक्छन र हामी उसलाई सफल बनाएरै छाड्ने लक्ष्यका साथ अगाडि बढेको उनले बताए । उनले भने, ‘आखिर ईन्जिनियर, डाक्टर, कृषि, वन विज्ञान, नर्सिङ आदि पढ्नको लागि विज्ञान त पढ्नै पर्छ । दीपशिखा स्कुलले कक्षा ११/१२ विज्ञान मात्रै नभई विज्ञानपछिको मेडिकल, ईन्जिनियर ईन्ट्रान्स तयारी कक्षा पनि डुम्रेमा संचालनको तयारी गरेका छौ ।’
