डुम्रेमा मेन्स डबल सी डी लेभल व्याडमिन्टन प्रतियोगिता, खैरेनीटारको समूह प्रथम
डुम्रे : तनहुँको बन्दीपुर गाउँपालिका–१ स्थित डुम्रे सांस्कृतिक युवा परिवारले मेन्स डबल सी डी लेभल व्याडमिन्टन प्रतियोगिता गरेको छ । उक्त प्रतियोगितामा खैरेनीटारका अमृत श्रेष्ठ र सफल भुजेलको समूहले पहिलो स्थान हासिल गरेका छन् ।
प्रतियोगितामा दमौलीका विश्वास वि.क. र पोर्ट बहादुर सारुको समूहले दोस्रो स्थान हासिल गरेको छ भने, तृतीय स्थानमा राजु गुरुङ र नितेश थापा तथा सागर थापा र कमल श्रेष्ठका दुई समूह रहेका छन् ।
प्रतियोगितामा प्रथम हुने समूहलाई रु २० हजार, द्वितीयलाई १० हजार र तृतीयलाई रु २ हजारका साथमा मेडल र प्रमाणपत्रद्वार पुरस्कृत गरिएको छ ।
डुम्रे सांस्कृतिक युवा परिवारका अध्यक्ष विक्की गुरुङको अध्यक्षतामा भएको कार्यक्रममा विजेताहरुलाई बन्दीपुर गाउँपालिकाका अध्यक्ष सुरेन्द्रबहादुर थापा, वडा नं १ का वडाध्यक्ष शिव कुमार श्रेष्ठ, वडा नम्बर ४ का वडा सदस्य भीमबहादुर घलेले पुरस्कार वितरण गरेका थिए । उक्त प्रतियोगितामा तनहुँ जिल्लाबाट ३१ समूहले सहभागिता जनाएका थिए ।
