पालिकाका शिक्षा अधिकृतहरुका लागि क्षमता विकास तालिम
म्याग्दे : तनहुँका स्थानीय तहका शिक्षा शाखा प्रमुख एवं शिक्षा अधिकृतहरूका लागि दुई दिने क्षमता बिकास कार्यक्रम गरिएको छ । शिक्षा विकास तथा समन्वय इकाईले आयोजना गरेको उक्त तालिममा सुपरिवेक्षण तथा कक्षा अवलोकन सम्बन्धी फारम निर्माण गरिएको थियो ।
म्याग्दे गाउँपालिकामा आयोजिता क्षामता विकास कार्यशालामा तनहुँका १० वटै पालिकाका शिक्षा प्रमुख तथा प्रतिनिधि र इकाइका कर्मचारीहरूको सहभागीता रहेको थियो ।
शिक्षा विकास तथा समन्वय इकाइ प्रमुख उद्धवराज कट्टेल कार्यक्रमका विषयमा सहजिकरण गरेका थिए भने म्याग्दे गाउँपालिकाका अध्यक्ष श्रीप्रसाद श्रेष्ठले शुभारम्भ गर्दै सिकेको ज्ञानलाई प्रभावकारी ढंगले व्यवहारमा उतार्न आग्रह गरे ।
