दमौलीस्थित निर्मल माविको प्रधानाध्यापकमा पुनः बस्नेत नियुक्त
दमौली : तनहुँको व्यास नगरपालिका–१ हाइस्कुलटारस्थित निर्मल माध्यमिक विद्यालयको प्रधानाध्यापकमा पुनः गणेशचन्द्र बस्नेत नियुक्त भएका छन् । लामो समयदेखि विद्यालयको प्रधानाध्यापकको जिम्मेवारीमा रहेका बस्नेतलाई नगरपालिकाले पुनः प्रधानाध्यापक नियुक्त गरेको हो ।
प्रधानाध्यापक बस्नेतले व्यास नगरपालिका–१ का वडा अध्यक्ष रमेशचन्द्र हड्खले, विद्यालय व्यवस्थापन समितिका अध्यक्ष तमबहादुर दरै लगायतको उपस्थितिमा बिहीबार पदभार ग्रहण गरेका छन् ।
