डुम्रेमा आगलागी, स्थानीयको सक्रियतामा नियन्त्रण

तनहुँको बन्दीपुर गाउँपालिका–४ डुम्रेस्थित फिल्म हल लाइनमा रहेको भगवान् श्रेष्ठको घरमा सोमबार साझ भएको आगलागी भएको छ । आगलागीबाट ठूलो क्षति नभएको र समयमै स्थानीय बासिन्दाको सक्रियतामा आगो नियन्त्रणमा लिइएको थियो । स्थानीय बासिन्दाले आ–आफ्नो घरबाट पानी, फायर ग्यासलगायतका साधन प्रयोग गरी आगो लिएको थियो भने व्यास नगरपालिकाको दमकल पनि आगो नियन्त्रणका लागि पुगेको थियो । बन्दीपुर गाउँपालिकामा रहेको दमकल हाल बिग्रिएको अवस्थामा रहेकाले आगलागीका घटनामा स्थानीयले सास्ती खेप्नुपरेको गुनासो गरेका छन् । समयमै दमकल सञ्चालनमा नआउँदा जोखिम बढ्ने भन्दै स्थानीयले बन्दीपुर गाउँपालिकाले तत्काल दमकल मर्मत गरी नियमित सञ्चालनमा ल्याउनुपर्ने माग गरेका छन् । आगलागीको कारणबारे थप विवरण आउन बाँकी रहेको छ । तस्विर : भञ्ज्याङ

सेयर गर्नुहोस्

प्रतिक्रिया दिनुहोस्

सम्बन्धित खवर