धादिङमा बस दुर्घटना अपडेट : तनहुँका तीन जनासहित १९ जनाको मृत्यु (मृतकको विवरणसहित)
पोखराबाट काठमाडौतर्फ जाँदै गरेको ग २ ख १४२१ नम्बरको बस सोमबार बिहान १ः३० बजे धादिङको बेनीघाट रोराङ गाउँपालिका–५ भैसीगौडामा दुर्घटना हुँदा १९ जनाको मृत्यु भएको छ । मृत्यु हुनेमध्ये तनहुँका तीन जना रहेको धादिङ प्रहरीले जनाएको छ ।
मृतकमध्ये हालसम्म नौ जनाको सनाखत भएको प्रहरी नायब उपरिक्षक प्रकाश दाहालले जानकारी दिए । उनका अनुसार दुर्घटनामा तनहुँको व्यास नगरपालिका–४ बस्ने ४० वर्षीय ओमकुमार मल्ल, शुक्लागण्डकी नगरपालिका–७ बस्ने ५५ वर्षीय विष्णुमाया ढकाल, भिमाद नगरपालिका–६ बस्ने४५ वर्षीय हरिप्रसाद सिग्देलको मृत्यु भएको छ ।
यस्तै घाइतेमध्य तनहुँका सोमप्रसाद मल्ल, मानबहादुर थापा, सदिक्षा हमाल र सुबिन मल्लको उपचार भइरहेकाे प्रहरीले जनाएकाे छ ।
