तनहुँ–१ मा रास्वपाका स्वर्णिम वाग्ले निर्वाचित, कस्को कति मत ?
तनहुँ : गत विहीबार भएको प्रतिनिधिसभा सदस्य निर्वाचनमा तनहुँ निर्वाचन क्षेत्र नं. १ मा राष्ट्रिय स्वतन्त्र पार्टीका डा. स्वर्णिम वाग्ले भारी मतान्तरसहित निर्वाचित भएका छन् ।
डा. वाग्लेले ३८ हजार ४० मत प्राप्त गरेका छन् । उनले नेपाली कांग्रेसका उम्मेदवार गोविन्द भट्टराईलाई २१ हजार ८०९ मतान्तरले पछि पार्दै तनहुँ–१ बाट दोस्रोपटक संसदीय यात्रा तय गरेका छन् ।
नेपाली कांग्रेसका गोविन्द भट्टराईले १६ हजार २३१ मत प्राप्त गरेका छन् भने, नेकपा एमालेका उम्मेदवार भगवती न्यौपानेले ५ हजार ८३० मत प्राप्त गरेकी छन् ।
१ लाख २६ हजार ८८२ मतदाता रहेकोमा ६६ हजार ६९८ मत खसेको थियो । विभिन्न राजनीतिक दल तथा स्वतन्त्र गरी १६ जना उम्मेदवार चुनावी मैदानमा उत्रिएका थिए ।
२०८० को उपनिर्वाचनमा डा. वाग्लेले ३४ हजार ९१९ मत प्राप्त गरी नेपाली कांग्रेसका उम्मदवार गोविन्द भट्टराईलाई १४ हजार ७९७ मतान्तरले पराजित गरेका थिए ।
उक्त उपनिर्वाचनमा ६३ हजार ७५७ मत खस्दा कांग्रेसका गोविन्द भट्टराईले २० हजार १२२ मत प्राप्त गरेका थिए भने नेकपा एमालेका उम्मेदवार सर्वेन्द्र खनालले ८ हजार ४८८ मत प्राप्त गरेका थिए ।
कस्को कति मत ?
