जेनजी आन्दोलनमा कास्कीबाट फरार कैदी तनहुँमा पक्राउ
दमौली : जिल्ला कारागार कास्कीबाट जेनजी आन्दोलनका क्रममा फरार भएका एक जना कैदीलाई प्रहरीले सोमबार तनहुँबाट पक्राउ गरेको छ । पक्राउ पर्नेमा बन्दीपुर गाउँपालिका–१ बस्ने २९ वर्षीय अर्जुन परियार रहेको जिल्ला प्रहरी कार्यालय तनहुँले जनाएको छ ।
जबरजस्ती करणी मुद्धाका कैदी परियार गत भदौ २३ र २४ गते जेनजी समूहको आन्दोलनमा जिल्ला कारागार कास्कीबाट फरार रहेका थिए । प्रहरी चौकी डुम्रेबाट प्रहरी नायब निरीक्षक विजय यादव टोलीले नियन्त्रणमा लिएका उनलाई जिल्ला कारागार तनहुँमा बुझाइएको छ ।
