रास्वपा आँवुखैरेनी गाउँकमिटीको प्रथम अधिवेशन, सभापतिमा श्रेष्ठ चयन
आँवुखैरेनी : राष्ट्रिय स्वतन्त्र पार्टी आँबुखैरेनी गाउँकमिटीको प्रथम अधिवेशन शनिबार सम्पन्न भएको छ । अधिवेशनले नयाँ नेतृत्व चयन गर्दै संगठन विस्तार तथा जनसरोकारका विषयमा सक्रिय रूपमा अघि बढ्ने प्रतिबद्धता व्यक्त गरेको छ ।
अधिवेशनबाट राम श्रेष्ठ सभापतिमा निर्वाचित भएका छन्। त्यसैगरी खुलराज गुरुङ उपसभापति, प्रकाश श्रेष्ठ सचिव, भक्त बहादुर गुरुङ सह–सचिव तथा सबिता भट्टराई कोषाध्यक्षमा निर्वाचित भएको बताइएको छ ।
सदस्यहरूमा प्रेम कुमार श्रेष्ठ, राजेश श्रेष्ठ, किसान श्रेष्ठ, तुलसी पौडेल खनाल, सम्झना सुनार तथा हरिभक्त पन्त चयन भएका छन् ।
त्यस्तै जिल्ला प्रतिनिधिमा पुष्प कुमार श्रेष्ठ, गीता लामिछाने, अर्जुन बगाले र ज्ञानेन्द्र थापा क्षेत्री निर्वाचित भएका छन् भने, प्रदेश प्रतिनिधिमा गोबिन्द प्रसाद खनाल र बालकृष्ण मिश्र चयन हुँदा महाधिवेशन प्रतिनिधिमा सुमन बगाले निर्वाचित भएका छन् ।
अधिवेशनमा सहभागी वक्ताहरूले गाउँपालिकामा पार्टी संगठनलाई थप सशक्त बनाउँदै सुशासन, पारदर्शिता र जनउत्तरदायी राजनीतिक अभ्यासलाई प्राथमिकतामा राखेर अघि बढ्ने प्रतिबद्धता व्यक्त गरेका थिए ।
